ცხელი ხაზი
123
14-06-2019
2019 წლის 13 ივნისს, ქ. თბილისში დაიწყო ეუთო-სა და საქართველოს მთავრობის მიერ ერთობლივად ორგანიზებული ორ-დღიანი ეროვნული სემინარი, რომელიც ეძღვნება ტერორიზმის გამომწვევი ძალადობრივი ექსტრემიზმისა და რადიკალიზაციის (VERLT) წინააღმდეგ ბრძოლის სფეროში საზოგადოების ყოველმხრივი ჩართულობის მიდგომას. ეს ეუთო-ს მიერ ქვეყანაში მსგავსი სემინარის ორგანიზების პირველი შემთხვევაა.
31-05-2019
სახელმწიფო უსაფრთხოების სამსახურის უფროსი ვახტანგ გომელაური, მოადგილეებთან ერთად, ლისის ტბის ტერიტორიაზე, პოლიციის დღისადმი მიძღვნილ ღონისძიებას დაესწრო.
სახელმწიფო უსაფრთხოების სამსახურის ობიექტების დაცვის მთავარი სამმართველოს ახალწვეულებმა სამხედრო ფიცი დადეს. ღონისძიებას სახელმწიფო უსაფრთხოების სამსახურის ობიექტების დაცვის მთავარი სამმართველოს უფროსი მიხეილ მერაბიშვილი და სტრუქტურული დანაყოფების ხელმძღვანელი პირები დაესწრნენ.
30-05-2019
სახელმწიფო უსაფრთხოების სამსახურის უფროსი ვახტანგ გომელაური სახელმწიფო ცერემონიების სასახლეში, პროკურატურის თანამშრომელთა პროფესიული დღისადმი მიძღვნილ ღონისძიებას დაესწრო.
03-05-2019
სახელმწიფო უსაფრთხოების სამსახურის უფროსმა ვახტანგ გომელაურმა საქართველოს პარლამენტში პლენარულ სხდომაზე უწყების საქმიანობის 2018 წლის ანგარიში წარადგინა. ვახტანგ გომელაურის სიტყვით გამოსვლის შემდეგ, სხდომა დახურულ რეჟიმში კითხვა-პასუხის ფორმატში გაგრძელდა. სხდომის დასასრულს, საქართველოს პარლამენტმა სახელმწიფო უსაფრთხოების სამსახურის 2018 წლის ანგარიში დადებითად შეაფასა.
01-05-2019
საქართველოს პრემიერ-მინისტრ მამუკა ბახტაძის ხელმძღვანელობით, ეროვნული უსაფრთხოების საბჭოს პირველი სხდომა გაიმართა. საბჭოს მუდმივმა წევრებმა პირველ სხდომაზე პრემიერისგან გარკვეული დავალებები მიიღეს.
22-04-2019
სახელმწიფო უსაფრთხოების სამსახურის უფროსის პირველმა მოადგილემ, გრიგოლ ლილუაშვილმა საქართველოს პარლამენტის თავდაცვისა და უშიშროების, იურიდიულ საკითხთა და ადამიანის უფლებათა დაცვის კომიტეტების გაერთიანებულ სხდომაზე უწყების საქმიანობის 2018 წლის ანგარიში წარადგინა. სიტყვით გამოსვლის შემდეგ, სხდომა დახურულ ფორმატში კითხვა-პასუხის რეჟიმში გაიმართა.
27-03-2019
სახელმწიფო უსაფრთხოების სამსახურს საქართველოს ეროვნული თავდაცვის აკადემიის სამეთაურო-საშტაბო კოლეჯის იუნკერები, მსმენელები და ინსტრუქტორები ეწვივნენ. სახელმწიფო უსაფრთხოების სამსახურის წარმომადგენლებმა აკადემიის მსმენელებთან საინფორმაციო შეხვედრა გამართეს და უწყების საქმიანობის ძირითად მიმართულებებსა და პრიორიტეტებზე ისაუბრეს. შესაბამისი დანაყოფების წარმომადგენლებმა მსმენელებს საქართველოს ოკუპირებულ ტერიტორიებზე არსებულ უსაფრთხოების ვითარებასა და სახელმწიფო საიდუმლოების დაცვის საკითხებზე ინფორმაცია მიაწოდეს. შეხვედრის დასასრულს, სახელმწიფო უსაფრთხოების სამსახურის წარმომადგენლებმა დასმულ კითხვებს უპასუხეს.
18-01-2019
საქართველოს პრეზიდენტი სახელმწიფო უსაფრთოების სამსახურის უფროსს შეხვდა. სალომე ზურაბიშვილმა და ვახტანგ გომელაურმა პირველი სამუშაო შეხვედრა ათონელის რეზიდენციაში გამართეს.
31-12-2018
სახელმწიფო უსაფრთხოების სამსახურის უფროსის, ვახტანგ გომელაურის გადაწყვეტილებით, სუს-ის წარმომადგენლები საქართველოს ტერიტორიული მთლიანობისთვის ბრძოლაში და სამსახურებრივი მოვალეობის შესრულების დროს დაღუპული თანამშრომლების ოჯახებს თბილისსა და რეგიონებში ეწვივნენ. სახელმწიფო უსაფრთხოების სამსახურის თანამშრომლებმა დაღუპული კოლეგების ოჯახებს დამდეგი ახალი წელი მიულოცეს და საახალწლო საჩუქრები გადასცეს.
29-12-2018
სახელმწიფო უსაფრთხოების სამსახურის თავმჯდომარეობით, ტერორიზმის წინააღმდეგ ბრძოლის ეროვნული სტრატეგიისა და შესაბამისი სამოქმედო გეგმის შემმუშავებელი და შესრულების მონიტორინგის განმახორციელებელი უწყებათაშორისი მუდმივმოქმედი კომისიის მეორე სხდომა გაიმართა. კომისიის წევრებმა ტერორიზმის წინააღმდეგ ბრძოლის შესახებ საქართველოს ეროვნული სტრატეგიისა და სამოქმედო გეგმის საქართველოს მთავრობისთვის წარდგენის შესახებ გადაწყვეტილება მიიღეს.
18-12-2018
თბილისში, პარლამენტის შენობაში, საგარეო საქმეთა სამინისტროს მიერ ორგანიზებული საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეკრება - „ელჩების კონფერენცია 2018“ მიმდინარეობს. ღონისძიების ფარგლებში თავდაცვის და უსაფრთხოების საკითხებზე სამუშაო სესია გაიმართა.